Ројтерс првпат објави на 18 март дека администрацијата на Трамп размислува за распоредување илјадници дополнителни американски војници на Блискиот Исток, што би ги проширило опциите и би вклучило потенцијално распоредување сили на иранска територија.
Падобранците, со седиште во Форт Браг во Северна Каролина, им се придружуваат на илјадниците дополнителни морнари, маринци и сили за специјални операции кои веќе се распоредени во регионот.
The headline:
Thousands of paratroopers from the U.S. Army’s 82nd Airborne Division have started arriving in the Middle East as the conflict with Iran enters a critical new phase.
The full story:
The 82nd Airborne is essentially the 911 call of the American military. Known as… pic.twitter.com/EsShe2yuNQ
— Signal Depth (@signaldepth) March 30, 2026
Во текот на викендот, околу 2.500 маринци пристигнаа во регионот. Официјални лица, кои зборуваа под услов да останат анонимни, не прецизираа каде точно ќе бидат распоредени војниците, но овој потег беше очекуван.
Дополнителните копнени сили вклучуваат елементи на командата на 82-та воздушно-десантна дивизија, логистичка и друга поддршка, како и една бригадна борбена група.
Одлуката за испраќање трупи во Иран сè уште не е донесена, но тие ќе ги зајакнат капацитетите за потенцијални идни операции во регионот, изјави еден од изворите.
Војниците би можеле во војната со Иран да се користат за неколку цели, вклучувајќи обид за освојување на островот Харг, центар на 90 проценти од извозот на нафта од Иран.
На почетокот на месецот Ројтерс објави дека во рамките на администрацијата на Трамп се разговарало за операција за заземање на островот. Сепак, таков потег би бил многу ризичен бидејќи Иран може да достигне до островот со ракети и беспилотни летала.
