Хутите еден ден претходно се заканија дека ќе се вклучат во конфликтот предизвикан од американско-израелската офанзива против Иран на 28 февруари.
Портпаролот на Хутите, Јахја Сари, во видеоснимка објавена на социјалната платформа Икс изјави дека движењето ја извело својата „прва операција“ против Израел и погодило „чувствителни непријателски воени објекти“ во напад со балистичка ракета.
BREAKING: Yemen's Houthis:
We affirm that our fingers are on the trigger for direct military intervention in the following cases:
The joining of any alliances with America and Israel against the Islamic Republic of Iran and the Axis of Jihad and Resistance.
Using the Red Sea… pic.twitter.com/V3mgSFT8x4
— Clash Report (@clashreport) March 27, 2026
Израелската војска претходно денес соопшти дека ја активирала својата противвоздушна одбрана откако „забележала лансирање ракета од Јемен кон израелска територија“.
Хутите заедно со либанскиот Хезболах, палестинскиот Хамас и проиранските вооружени групи во Ирак се дел од неформалната коалиција што Иран ја нарекува „оска на отпорот“ против Израел.
„Подготвени сме за директна воена интервенција во случај на нов сојуз на Соединетите Американски Држави и Израел против Иран, непријателски операции против Иран или против која било муслиманска земја во регионот на Црвено Море и продолжување на ескалацијата против Исламската Република Иран“, изјави Сари во видеото објавено вчера.
Хутите, кои контролираат голем дел од Јемен, изведоа многубројни напади врз Израел и комерцијални бродови во Црвено Море за време на војната меѓу Израел и Хамас во Појасот Газа во периодот од 2023 до 2025 година.
Нивните напади со балистички ракети и беспилотни летала значително го нарушија сообраќајот во стратегискиот поморски премин, кој сега особено го користи Саудиска Арабија за извоз на нафта, избегнувајќи го Ормускиот теснец, каде што Техеран го блокира сообраќајот.
