На Германија очигледно ќе и бидат потребни околу 1,1 милијарди кубни метри гас оваа деловна година.
Претходно оваа недела, холандското Министерство за економија се обиде да ги смири граѓаните кои живеат во близина на наоѓалиштата на гас и негодуваат поради производството по стотиците претежно благи потреси и предизвиканата штета.
Владата вети дека ќе престане со производство на гас во Гронинген до крајот на следната година, но Холанѓаните засега имаат договорна обврска да испорачуваат гас на Германија.
Холандскиот државен секретар Ханс Вијлсбриф, чие портфолио вклучува и гас, рече дека ќе лобира кај германското министерство за економија да ги намали нарачките за гас.
Претходниот министер за економија Стеф Блок изјави во парламентот дека оваа година во Гронинген ќе треба да се произведат до 7,6 милијарди кубни метри гас, во споредба со првично планираните 3,9 милијарди.
Производството ќе мора делумно да се зголеми поради доцнењето во изградбата на фабрика за азот и поради поголемата германска побарувачка, објасни Блок.
„Ова се случи, меѓу другото, затоа што мерките за заштеда на енергија дадоа полоши резултати од очекуваните“, објасни Блок пред пратениците.
Тој, исто така, рече дека му пишал на германскиот колега Роберт Хабек во декември, изразувајќи „сериозна загриженост“ поради развојот на ситуацијата, барајќи од него да испита дали може „ефектите од поголемата потрошувачка на гас да се сведат на минимум“.
