„Вие знаете, како и јас, дека претседателот на Соединетите Американски Држави побара ваше затворање во последните 24 часа. Сакам да ви дадам шанса. Ја видовме вашата реакција на социјалните мрежи, но сакам да чујам што имате да му кажете на претседателот на Соединетите Американски Држави“, праша Џејкоб Собороф од Ем-ес-ен-би-си.
Pritzker: “This guy is unhinged. He’s insecure. He’s a wannabe dictator. And there’s one thing I really want to say to Donald Trump. If you come for my people, you come through me. So come and get me.” pic.twitter.com/3QBrovBpZs
— Aaron Rupar (@atrupar) October 8, 2025
„Па, да почнеме со идејата дека ова е осуден човек, мислам, размислете за тоа, кој ми се заканува со затвор. Морам да кажам, овој човек е нестабилен, несигурен е, тој сака да е диктатор. И има едно нешто што навистина сакам да му го кажам на Доналд Трамп: Ако доаѓа по моите луѓе, ќе мора да помине преку мене. Затоа, дојди и фати ме“, одговори Прицкер, кој е член на Демократската партија.
Трамп претходно на социјалната мрежа Трут соушл напиша дека Прицкер и градоначалникот на Чикаго, Брендон Џонсон, треба да бидат во затвор поради тоа што не ги заштитиле агентите на Службата за имиграција и царина (ИЦЕ).
Двесте припадници на Националната гарда на Тексас пристигнаа во Илиноис, пред планираното распоредување во Чикаго, на што силно се спротивставуваат локалните демократски претставници. Трамп веќе испрати војници на улиците на Лос Анџелес и Вашингтон и им нареди да одат во Мемфис, како и во Чикаго и Портланд.
Војниците од Тексас беа испратени во Илиноис како дел од мисијата за заштита на „федералните функции, персоналот и средствата“, изјави функционер на Пентагон под услов да остане анонимен, додавајќи дека гардистите биле мобилизирани за почетен период од 60 дена.
„Прицкер е некомпетентен мрзливец кој мирно гледа додека невини Американци постојано се жртви на насилен криминал. Само минатиот викенд, 30 лица беа застрелани, а петмина загинаа. Но, Прицкер повеќе би сакал да го напаѓа претседателот отколку всушност да работи на решенија за раширениот криминал во Чикаго. Прицкер има крв на рацете“, изјави Абигејл Џексон, заменик-портпарол на Белата куќа.
Прицкер претходно сугерираше дека Трамп испраќа федерални трупи во Чикаго затоа што „страда од деменција“. Во интервју за Чикаго трибјун, гувернерот на Илиноис рече дека фиксацијата на претседателот со Чикаго произлегува од „нешто во длабочините на неговиот мозок“.
