„Во овој момент е многу важно на нашите деца да им ги всадиме вистинските идеи за татковината и да го негуваме во нив почитувањето на вредностите на нашата земја. Мислам дека тука ништо посебно не треба да објаснуваме“, објави Гусев на Телеграм.
Властите во регионот Калуга неодамна најавија слична иницијатива.
Во Калуга во понеделник, на 18 април, во училиштето број 45, пред да започне наставата ќе биде подигнато знамето на Русија, а за тоа време ќе се свири и националната химна, најави гувернерот на регионот Калуга, Владислав Шапша.
„Понатаму, оваа практика ќе ја воведеме во сите училишта во регионот. Секоја недела, во понеделник. Ова е правилна одлука. И за децата и за возрасните“, рече лидерот на регионот.
