По тридневна дебата, 156 од вкупно 300 членови на парламентот го поддржаа Мицотакис, објави во неделата претседателството на парламентот.
Гласањето го побара Алексис Ципрас, лидер на крајно левичарската партија Сириза. Расправата се фокусирала на обилните снежни врнежи што го зафатија главниот град Атина на 24 јануари и следните три дена.
Иако метеоролозите прогнозирале снежни врнежи, владата не успеа да ги заштити луѓето, тврди Ципрас.
За време на снежните врнежи, на повеќе места имало прекини на електричната енергија, а илјадници луѓе останале заробени во своите автомобили на автопатите и другите главни патишта.
Мицотакис се извини и вети дека подобро ќе ја организира цивилната заштита во иднина, а за време на расправата го обвини Ципрас за популизам.
