Засега нема информации колку демонстранти се повредени. Протестите се одржаа поради иселувањето на културниот центар Аскатасуна, кој со децении бил место за средби на левичарската сцена во Торино, непосредно пред Божиќ.
Организаторите изјавија дека околу 50.000 луѓе учествувале на протестниот марш низ центарот на градот во саботата. Демонстрантите мавтале и со бројни палестински знамиња.
На протестите избувнаа немири. Толпата фрлаше камења, молотови коктели и други предмети кон полицијата. Неколку канти за ѓубре беа запалени. Исто така, беше запалено и полициско комбе.
Безбедносните сили одговорија со солзавец и водни топови. Еден демонстрант беше однесен со повреди на главата, а на едно видео се гледа полицаец како лежи на земја, а маскирани лица го тепаат.
Quanto accaduto oggi a Torino, durante il corteo degli antagonisti contro lo sgombero dello stabile Askatasuna, è grave e inaccettabile.
Uno sgombero legittimo di un immobile occupato illegalmente è stato usato come pretesto per scatenare violenze, incendi, lanci di bombe carta… pic.twitter.com/AtVLzMVxfD
— Giorgia Meloni (@GiorgiaMeloni) January 31, 2026
Италијанската премиерка Џорџа Мелони остро ги осуди немирите во Торино на Икс, за кои рече дека биле предизвикани од „антагонисти“ за време на протестот против иселувањето. Таа рече дека инцидентот е „сериозен и неприфатлив“ и дека легитимното иселување на нелегално окупиран имот е искористено како изговор за насилство, палење, фрлање петарди и организирани напади, вклучително и напад врз полициско оклопно возило.
„Снимките од нападнатиот полицаец зборуваат сами за себе: ова не се демонстранти, туку лица кои дејствуваат како непријатели на државата“, рече таа.
A Torino convivono Barbero, D’Orsi e l’area di Askatasuna: mondi diversi solo in apparenza, ma accomunati dallo stesso impianto ideologico. pic.twitter.com/aSA6QSjgaj
— The Kyiv Chronicles (@ChroniclesKiev) January 31, 2026
Мелони рече дека цената на немирите ја платиле силите на редот, кои биле принудени да се соочат со „вистинска урбана герила“, но и новинарите кои биле нападнати додека ја вршеле својата работа. Таа изрази целосна солидарност со нив, како и со граѓаните кои претрпеле штета, и нагласи дека не се работи ниту за несогласување ниту за протест, туку за насилни напади насочени кон државата и нејзините претставници. И порача дека поради тоа ваквите напади „мора да се третираат онакви какви што се, без никакви отстапки и без оправдувања“.
