Експлозијата се случила во близина на зградата во која се наоѓа управата на бунтовничкиот регион.
Снимките од местото на настанот покажуваат целосно уништен автомобил на паркингот на околу 100 метри пред седиштето на самопрогласената народна република Доњецк, со значителна штета на другите возила во близина, вели РТ.
Руската продржавна новинска агенција РИА објави видео за кое тврди дека е од Доњецк, на кое се слуша како одекнуваат сирени.
Russia’s RIA news agency now also reports the sirens in Donetsk pic.twitter.com/8rST10rtv3
— Michael A. Horowitz (@michaelh992) February 18, 2022
À l’instant, une sirène d’alerte qui retentit dans Donetsk. Jamais entendu ça en 2014 pic.twitter.com/z59ESeImJ0
— Paul Gogo (@Paugog) February 18, 2022
Масивната експлозија попладнево во центарот на Доњецк била дело на автомобил-бомба што се активирала пред седиштето на управата, соопштија локалните власти.
Повеќекратните извештаи за експлозијата дојдоа веднаш откако и Доњецк и Луганск, двата бунтовнички украински региони, објавија евакуација на цивили во Русија, велејќи дека се плашат од напад на украинската војска.
Откако попладнево шефот на бунтовничкиот регион Доњецк ги повика цивилите да се евакуираат во Русија, по него истото го стори и лидерот на другиот украински бунтовнички регион Луганск, кој најави „организирана евакуација на популацијата“.
A powerful explosion heard in the center of Donetsk, RIA Novosti claims
— Ragıp Soylu (@ragipsoylu) February 18, 2022
Тој рече дека евакуацијата е „координирана со Русија“.
„Апелирам на сите воени способни мажи што можат да држат оружје в раце да ја бранат својата земја“, рече тој.
Рускиот претседател Владимир Путин попладнево на прес-конференцијата со белорускиот лидер Александар Лукашенко оцени дека ситуацијата во источна Украина е сѐ полоша.
