„Не, драги Марк Руте. Европејците можат и мора да ја преземат одговорноста за сопствената безбедност. Дури и САД се согласуваат. Тоа е европскиот столб на НАТО“, рече францускиот министер за надворешни работи Жан-Ноел Баро, пишува Политико.
Non, cher Mark Rutte. Les Européens peuvent et doivent prendre en charge leur sécurité. Même les États-Unis en conviennent. C’est le pilier européen de l’OTAN. https://t.co/oEzSfewFZU
— Jean-Noël Barrot (@jnbarrot) January 26, 2026
Во понеделникот, во Европскиот парламент, Руте одговарајќи на прашање од францускиот пратеник од крајната десница, Пјер-Ромен Тионе, рече дека континентот не може да се одбрани без американска поддршка.
Тој исто така се спротивстави на идејата за европска армија – концепт неодамна оживеан од комесарот за одбрана на ЕУ, Андриус Кубилиус – и рече дека „европскиот столб на НАТО е малку празна фраза“.
Сепак, откако американскиот претседател Доналд Трамп се врати на власт, неговата администрација инсистираше дека Вашингтон ќе биде помалку вклучен во европската безбедност.
Новата Национална стратегија за одбрана на САД, објавена во петокот вечер, вели дека Европејците ќе мора да ја преземат водечката улога во справувањето со заканите, тврдејќи дека Европа е и економски и воено способна да се одбрани од Русија.
Минатата година, Трамп успеа да ги убеди европските земји да ги зголемат своите трошоци за одбрана на 5 проценти од БДП.
Avec tout le respect pour le SG de l’OTAN, ce n’est :
▶️ ni la bonne question : elle n’est pas de savoir si l’Europe peut mais si et comment elle doit dissuader toute attaque et se défendre le cas échéant seule
▶️ ni la bonne réponse : brandir la faiblesse européenne pour… https://t.co/3Ga4dXqR2l— Muriel Domenach (@MurielDomenach) January 26, 2026
Баро не беше единствен во Франција кој се спротивстави на коментарите на Руте. Муриел Доменах, поранешна француска амбасадорка во НАТО, на социјалната мрежа Икс објави: „Со сета должна почит кон генералниот секретар на НАТО, ова не е… вистинското прашање… ниту вистинскиот одговор. Истакнувањето на европската слабост со цел да се обезбеди американска гаранција е застарен пристап и испраќа погрешна порака до Русија“.
Без директно да го спомене Руте, француската министерка за вооружени сили, Катрин Вотрин, изјави за француското радио дека „она што го гледаме денес е потребата од европски столб во рамките на НАТО“. Идејата за колективно зајакнување на Европејците во рамките на воен сојуз, првпат предложена од Франција пред неколку години, сега ја поддржуваат и други земји, вклучително и Германија.
Watch 🇫🇮 Stubb debunks russian propaganda for a full minute and a half:
“Look, what has Russia achieved in the past four years? It’s acquired 20 percent of the territory of Ukraine. Through military warfare, roughly two percent. In the process of doing that, it has provided… pic.twitter.com/Ef25Wd2q9d
— Kate from Kharkiv (@BohuslavskaKate) January 21, 2026
Коментарите на Руте се во спротивност и со проценката на финскиот претседател Александар Стаб, кој минатата недела во Давос изјави дека Европејците можат да се одбранат од Русија.
