Според соопштението на Организацијата за дипломирани вработени (ГЕО), која ги обединува дипломираните студенти и асистентите на универзитетот, рациите биле извршени во градовите Ен Арбор, Ипсиланти и Кантон, а биле извршени од членови на ФБИ, државната полиција на Мичиген и локалните полициски оддели.
Според ГЕО, најмалку две лица биле приведени и испрашани во акциите во Ен Арбор, вклучително и еден член на ГЕО, додека уште четири лица биле приведени и подоцна ослободени во Ипсиланти. Запленети се и голем број електронски уреди и лични предмети, меѓу кои и содржината на најмалку две возила.
Организацијата објави дека полицајците на терен не сакале да ги покажат налозите за претрес или да ги објаснат причините за рациите.
„Најостро ги осудуваме акциите преземени денес, како и сите досегашни и сегашни репресии на политичкиот активизам“, се вели во соопштението на ГЕО, повикувајќи ги на одговорност државниот обвинител на Мичиген, Ден Несел и раководството на универзитетот.
Оттаму додаваат дека нема извештаи за повредени.
Полициската управа на Ипсиланти го потврди своето присуство на терен.
„Полицискиот оддел во Ипсиланти (ИПД) беше известен дека ФБИ и државната полиција на Мичиген ќе спроведат налог за претрес на улицата Самит утрово. Имиграциската служба не беше вклучена. ИПД беше присутна за да ја обезбеди локацијата бидејќи голема група луѓе се собраа на местото на настанот“, наведе ИПД на социјалните мрежи.
