Во серија состаноци, на агентите од нивните теренски канцеларии им било кажано дека ќе мора да посветат околу една третина од своето време на помагање на администрацијата на Трамп во борбата против нелегалната имиграција.
Им било кажано дека истрагите за финансиски криминал, таканаречениот криминал со бели јаки, ќе бидат ставени во втор план барем до крајот на 2025 година, велат извори кои сакале да останат анонимни.
Портпаролката на ФБИ немаше непосреден коментар за новата директива.
Историски гледано, спроведувањето на законите за имиграција генерално не била примарна задача на безбедносните служби во рамки на Министерството за правда.
Но, откако американскиот претседател Доналд Трамп ги засили мерките против имиграција, илјадници федерални службеници од различни агенции беа прераспоредени во последните месеци, пренасочувајќи ги ресурсите од борбата против другите видови криминал.
