Експертите од Европската агенција за лекови (ЕМА) позитивно ја оценија процедурата на клиничките испитувања на руската вакцина „Спутник V“ против коронавирусот, соопшти денеска Москва.
„Добивме позитивен заклучок од ЕМА во врска со клиничките испитувања“, изјави Денис Логунов, заменик-директор на рускиот национален истражувачки центар за епидемиологија и микробиологија „Гамалеја“ за јутјуб-каналот Соловјев, пренесува Тасс.
„Овој конкретен дел од работата за прецизно препознавање на стандардите за производство, за препознавање како се спроведуваа клиничките испитувања, ЕМА веќе го посети во однос на овој дел и немаме никакви критички забелешки, добивме позитивен заклучок во однос на клиничките испитувања“, изјави тој.
Според научникот, во моментов центарот Гамалеја е во фаза на „хармонизирање на стандардите за производство на вакцината со ЕМА“. „А ова е таков процес што навистина се надевам дека во некоја блиска иднина, за неколку месеци, треба да го завршиме“, додаде тој.
Заменик-директорот истакна дека треба да се усогласат стандардите за производство во Европа, Кина и во Русија.
