„ЕУ штотуку одобри еден од најсилните пакети санкции против Русија“, објави Калас на социјалната мрежа Икс.
We are standing firm.
The EU just approved one of its strongest sanctions package against Russia to date.
We’re cutting the Kremlin’s war budget further, going after 105 more shadow fleet ships, their enablers, and limiting Russian banks’ access to funding. (1/3)
— Kaja Kallas (@kajakallas) July 18, 2025
Пакетот беше договорен на состанокот на амбасадорите на земјите-членки и денес ќе биде официјално потврден од министрите за европски прашања на земјите-членки. Во јуни, ЕК го предложи 18 пакет санкции против Русија, кој главно ги таргетира руските приходи од продажба на енергија и банкарскиот сектор.
Пакетот санкции вклучува намалување на максималната цена по која може да се продава руската сурова нафта од 60 на 47,6 долари за барел.
Усвојувањето на пакетот беше блокирано извесно време од Словачка, барајќи отстапки во сосема друг предлог на Комисијата, кој се однесува на прекинот на увозот на руски фосилни горива од 2028 година.
Словачкиот премиер Роберт Фицо во вторник изјави дека неговата земја добила гаранции од Комисијата за помош во случај на потенцијален недостиг на гас или скокови на цените и транзитните такси, како и помош во спорови околу потенцијални барања за надомест на штета од рускиот добавувач Газпром.
