Хаотични сцени се одвиваа на улиците на белгискиот главен град Брисел во неделата, додека илјадници демонстранти се приклучија на масовниот марш против здравствените ковид-19 пропусници и други ограничувања воведени од европските влади во име на борбата против пандемијата.
На видеата снимени од новинарот на РТ Франс Чарлс Бодри се гледаат полицајци со бели шлемови во опрема за немири како ги блокираат улиците со барикади и користат водени топови за да ја растераат толпата. За сето време, демонстранти маскирани во црно ја гаѓаа полицијата со разни проектили, вклучително и штици кои очигледно ги набавиле со уништување на тераса на едно кафуле.
?Des personnes ont brûlé et piétiné le drapeau européen. Tensions en cours à #Bruxelles. #PassVaccinal #COVID19 #Brussel pic.twitter.com/3Ka8KRBLGq
— Charles Baudry (@CharlesBaudry) January 23, 2022
Според првичните проценки на полицијата, на улиците има десетици илјади луѓе, додека организаторите велат дека има повеќе од сто илјади.
?Manifestation européenne à #Bruxelles en #Belgique contre les mesures sanitaires #COVID19 / le #PassSanitaire / #PassVaccinal. Nombreuses personnes présentes venues des quatre coins de l’#Europe. pic.twitter.com/wUbyqKRwf2
— Charles Baudry (@CharlesBaudry) January 23, 2022
Демонстрантите кои маршираат низ улиците на Брисел тврдат дека „ја бранат демократијата, човековите права и правото на Уставот“. Ова е петти протест против мерките во последниве два месеци, а претходните четири се одбележани со насилство и судири со полицијата.
Демонстрантите, собрани во поголем број отколку на претходните собири, носеа натписи против премиерот Александар Де Кро и ковид-потврдите, пренесува Франс прес.
До насилство дојде и денеска. Демонстрантите почнале да фрлаат факели, а полицијата одговорила со солзавец.
