Шефот на воената администрација за регионот Киев, Микола Калашник, преку Телеграм го осуди „непријателскиот напад врз Вишгород, во кој едно лице загина, а 11 беа повредени, од кои шест беа пренесени во болница“, наведувајќи дека ова е нова офанзива на руски дронови, како што беше случајот во текот на целата ноќ од петок до сабота во неколку квартови на украинскиот главен град.
Тој изјави дека спасувачите евакуираат жители од една висока зграда која е погодена, каде што се распоредени и пожарникари.
Калашник предупреди дека бројот на повредени веројатно е уште поголем.
Овој напад ѝ се припишува на Москва и следува по нападот со чамци без екипаж врз голема нафтена инфраструктура во руско пристаниште на Црното Море, за кој одговорноста ја презеде Киев.
На дипломатски план, Украина испрати делегација во САД за нови преговори во потрага по решенија за крајот на војната, во момент кога земјата е под силен притисок на воен и политички план.
Во понеделник, францускиот претседател Емануел Макрон ќе го прими својот украински колега Володимир Зеленски, кој го отпушти шефот на кабинетот, Андриј Јермак, неговата „десна рака“ и исклучително влијателна личност, по истрага за корупција.
