Според истражувањето спроведено на 25 и 26 септември на примерок од 1.000 испитаници, само 23 проценти од граѓаните изразуваат позитивно мислење за Мерц, што е намалување во споредба со 26 проценти забележани претходната недела. Во исто време, бројот на незадоволни луѓе се зголемил за три процентни поени, од 59 на 62 проценти, додека вкупниот негативен став достигнува две третини од анкетираните.
Иако маргината на грешка на истражувањето не беше објавена, резултатите покажуваат тренд на опаѓање на популарноста на германскиот канцелар, кој во последните месеци се соочува со сè поголеми критики и од опозицијата и од самата владејачка коалиција.
Претходно, Алис Вајдел копретседателка на десничарската Алтернатива за Германија (АфД), изјави дека Мерц е „најголемиот банкрот од сите германски канцелари“, што дополнително ја разгоре јавната дебата за неговата политичка стабилност и идните перспективи на владата.
