Обвинетите, Мохмед Али и Маџед Махмуд, пребарувале потенцијални локации во предградието на Детроит и изразиле поддршка за групата Исламска држава преку интернет, велат федералните обвинители. Трет осомничен, опишан како малолетник во судските документи, не е именуван.
Обвинетите купиле полуавтоматски пушки, повеќе од 1.600 куршуми муниција и вежбале пукање на стрелиште. Американската обвинителка Пам Бонди изјави дека станува збор за „голем терористички заговор поврзан со ИСИЛ“.
„Тие имаа повеќе пушки АР-15, тактичка опрема и детален план за извршување напади на американска почва“, додаде таа.
🚨NEW DETAILS: Two foreign born now naturalized men, Mohmed Ali and Majed Mahmoud are charged in a terrorist attack plot in Muslim packed Michigan on Halloween.
Islamists are the most dangerous threat to America. Revoke visas. Denaturalize. Deport. pic.twitter.com/gAe3Z4hBj3
— Dapper Detective (@Dapper_Det) November 4, 2025
Во обвинението од 73 страници поднесено од Министерството за правда се тврди дека во септември обвинетите го пребарувале предградието Ферндејл, каде што се наоѓаат бројни барови и ресторани. „Многу од клубовите и баровите во областа привлекуваат членови на ЛГБТК+ заедницата“, се наведува во судските документи.
Федералните агенти пребарале адреси поврзани со Али и Махмуд и пронашле оружје, муниција, Го-про камери и панцири, според судските документи.
Пет лица се именувани во судските документи, но федералните обвинители ги именувале само Али и Махмуд. Американските власти тврдат дека уште минатата година започнале истрага против членови на групата.
Во документите исто така се наведува дека добиле судски налози што им дозволиле на истражителите да ги следат телефоните, шифрираните разговори и социјалните мрежи поврзани со поединците. Информатор на ФБИ се придружил на групни повици во кои биле вклучени обвинетите.
Во обвинението се наведува дека во последните денови, обвинетите спомнувале „тиква“ кога разговарале за датумот на потенцијален напад. „Тие ја споменале Ноќта на вештерките како потенцијален ден за напад што го планирале, напад за кој знаеле дека може да резултира со нивна смрт и мачеништво“, рекоа федералните обвинители.
Резбањето тиква е вообичаен дел од прославите на Ноќта на вештерките во САД.
Во обвинението се наведува дека Али, Махмуд и неидентификуван малолетник го планирале злосторството на Ватсап. Пораките споделени од владата покажуваат дека тројцата разговарале за „датум“ и „за таа работа“. Тие рекле „ќе го направиме тоа“ и „навистина мора да направиме тиква“.
