Контејнерскиот брод ЦСЦЛ Индиан оушн го премина теснецот околу 7 часот наутро во понеделник, а ЦСЦЛ Арктик оушн 27 минути подоцна, според веб-страница за следење на бродови.
Тие поминаа близу до островот Ларак, кој е под контрола на Иран, и се на пат кон Порт Кланг во Малезија. Коско одби да коментира за транзитот кога беше прашан од АФП.
Two COSCO Container Ships Make First Major Commercial Crossing of Strait of Hormuz Since War Began
After turning back on an initial attempt, the CSCL Indian Ocean and CSCL Arctic Ocean sailed through the strategic waterway on Monday toward Malaysia, a rare transit for major… pic.twitter.com/kBwscFC7qU
— Washington Eye (@washington_EY) March 30, 2026
Шангајската превозна компанија минатата среда објави дека ги продолжува резервациите за товарни контејнери наменети за повеќето земји од Заливот.
Продолжувањето на услугата, „што стапува на сила веднаш“, се однесува на „општи“ товарни контејнери наменети за Обединетите Арапски Емирати, Саудиска Арабија, Бахреин, Катар, Кувајт и Ирак, се вели во соопштението на Коско. Иран не е на листата.
Според иранскиот министер за надворешни работи, Абас Аракчи, Ормускиот теснец е „затворен само за непријатели“. Тој додаде дека иранската војска веќе „обезбедила безбеден премин“ за бродови од пријателски земји.
Од почетокот на војната на Блискиот Исток, сообраќајот во Ормускиот теснец, клучен трговски пат, особено за транзит на нафта, се намали за околу 95%, според платформата за следење на превозот Кплер.
Денес, иранските државни медиуми објавија дека иранскиот парламентарен комитет одобрил закон за наметнување транзитни такси за бродовите што минуваат низ теснецот.
