Шефот на НАТО ги поздрави сигналите дека Русија можеби бара дипломатско решение во екот на военото засилување на границата со Украина, но ја повика Москва да ја покаже својата волја со дејство.
„Има знаци од Москва дека дипломатијата треба да продолжи. Тоа дава основа за претпазлив оптимизам. Но досега не видовме ниеден знак на теренот од руска страна“, рече генералниот секретар Јенс Столтенберг за новинарите пред дводневниот состанок на министрите за одбрана на алијансата во Брисел.
„Русија натрупа борбена сила во и околу Украина без преседан од Студената војна. Сега сè е на поставено за нов напад. Но Русија сè уште има време да се повлече од работ, да престане да се подготвува за војна и да почне да работи за мирно решение“, рече Столтенберг, нарекувајќи ја актуелната ситуација „најсериозната безбедносна криза со која се соочуваме во Европа последниве децении“.
[video:https://www.youtube.com/watch?v=OeF71KLIxNw autoplay:0]
