Товарниот брод Урса мајор потона меѓу Шпанија и Алжир, а 14 од 16-те членови на екипажот влегоа во чамец за спасување. Шпанската поморска спасувачка служба во вторникот соопшти дека во понеделникот добила сигнал за помош и дека на местото на настанот се испратени два брода и еден хеликоптер.
Медведев го обвини бродот под норвешко знаме дека одбил да им помогне на настраданите руски морнари.
„Доколку навистина не им била пружена помош на настраданите, тоа е во спротивност со сите поморски закони и таков случај заслужува целосна осуда“, изјави во петокот портпаролот на Кремљ, Дмитриј Песков.
Медведев рече дека таквото однесување е дел од поширокиот образец на антируски акции од Европа што Москва ќе мора да ги казни со „сите расположливи средства“, вклучително и хибридни.
Финските власти во четвртокот запленија брод со руска нафта во Балтичкото Море поради сомневање дека го оштетил подморскиот енергетски кабел што ги поврзува Финска и Естонија и оштетил или расипал четири интернет линии еден ден претходно.
„Истражуваме сериозна саботажа“, изјави шефот на Националното биро за истраги на Финска, Робин Лардот.
