Во својот говор пред Домот на Народното собрание во Белград, таа рече дека добила благослов од двајца свештеници да го прекине штрајкот со глад, и дека медицински работници од цела Србија исто така ја повикале да го стори тоа.
„Денес ќе го прекинам штрајкот со глад, но ќе останам тука. Нема да го изневерам мојот народ. Можеби некој би сакал да ме види мртва, но мислам дека сум повеќе потребна жива“, рече Хрка, додавајќи дека ќе „помести некои граници“.
Dijana Hrka najavila je da će danas prekinuti štrajk glađu, ali da će ostati ispred Skupštine Srbije. pic.twitter.com/a2GN8xvHsM
— TV N1 Beograd (@n1srbija) November 17, 2025
Таа рече дека ќе остане пред српскиот парламент и дека ќе ги повика студентите во блокадата на разговор за да се договорат за понатамошните чекори.
„Оваа борба мора да продолжи, би ја замолила полицијата да не ги крева штитовите против своите граѓани, да не ги штити криминалците што стојат зад мене и што примаат дневници“, рече таа за импровизираната шаторска населба под полициска заштита помеѓу Домот на Народното собрание и Претседателството.
👉 Dijana Hrka, čiji sin je poginuo u padu nadstrešnice u Novom Sadu, prekinula štrajk glađu
👉 „Više mogu da uradim živa, nego mrtva”
👉 https://t.co/ARS2zWeYC6
📸 BBC pic.twitter.com/1WRgJfzA21— BBC NEWS na srpskom (@bbcnasrpskom) November 17, 2025
Според неа, српскиот претседател Александар Вучиќ не ја кажувал вистината кога рекол дека луѓето ја убедуваат да штрајкува со глад.
Таа исто така рече дека никого не сака – „ниту опозицијата, ниту позицијата“ и дека ниту еден белег на нејзиниот шатор не може да се смета за нејзин.
„Ниту еден белег освен за ветераните не се смета за мој. Немам белези, јас сум Дијана Хрка која ја бара вистината“, рече таа.
