Зголемените економски, родови и расни нееднаквости, како и нееднаквостите меѓу земјите го „растргаат нашиот свет“, се вели во извештајот. „Ова не е случајност, туку избор: „економско насилство“ се спроведува кога се избираат структурални политики за најбогатите и најмоќните луѓе. Тоа ни нанесува директна штета на сите нас, особено на најсиромашните, жените и девојките, расните групи“, додаваат авторите.
„Никогаш не било поважно да се започне со коригирање на насилните неправди и безобразните нееднаквости со враќање на моќта и екстремното богатство од елитата, вклучително и оданочувањето – враќање на тие пари во реалната економија и спасувањето животи“, рече извршната директорка на Оксфам Интернешнл, Габриела Бухер.
„Пандемијата на ковид-19 отворено ги откри и мотивот на алчноста и можностите на политичките и економските средства, со што екстремната нееднаквост стана инструмент за економско насилство“, додаде Бухер. Авторите на документот повикаа на ограничување на екстремното богатство преку прогресивно оданочување, докажани јавни мерки за борба против нееднаквоста и храбра промена на власта во економијата и општеството.
