Еден полициски службеник бил повреден откако кон него било фрлено „парче мраз“, соопштија градските власти, за време на демонстрациите на кои присуствувале околу 1.000 луѓе во петокот вечерта, објави медиумот.
Протести против спроведувањето на имиграциската политика се одржаа низ сите Соединети Американски Држави откако 37-годишната Рене Никол Гуд беше застрелана во својот автомобил во средата.
Администрацијата на Трамп соопшти дека агентот кој ја застрелал дејствувал во самоодбрана. Сепак, локалните власти инсистираат дека жената не претставувала никаква опасност.
BREAKING: Alpha News has obtained cellphone footage showing perspective of federal agent at center of ICE-involved shooting in Minneapolis pic.twitter.com/p2wks0zew0
— Alpha News (@AlphaNews) January 9, 2026
Полицијата во Минеаполис го прогласи собирот за незаконски во петокот вечерта, пренесува медиумот, кога демонстрантите се собраа пред хотелот „Канопи“ во центарот на градот, каде, како што се верува, престојувале некои агенти на ИЦЕ.
Полициската управа на Минеаполис во соопштението изјави дека „поединци насилно влегле во хотелот низ влез од споредна улица“, се наведува во текстот на Би-би-си.
A cidade de Mineapolis, no Minnesota é tomada por protestos neste sábado (10), pelo assassinato de Renee Good, pelos agente do ICE dos EUA.#EEUU #Mineappolis #Minneapolisprotests #Minnesota pic.twitter.com/TpOvLaPGSz
— Hugo Borges (@hbj_r77032) January 10, 2026
Снимките објавени на интернет покажуваат демонстранти како упатуваат силни светла кон објектот, дуваат со свирчиња и удираат на тапани.
Полицијата соопшти, како што е цитирано во текстот, дека во областа имало „значително повеќе од 1.000“ демонстранти и дека некои од нив фрлале мраз, снег и камења кон полицајците, полициските возила и другите возила, но дека немало сериозни повреди.
Еден припадник на органите на редот добил полесни повреди, но не му била потребна медицинска помош, според извештаите на американската Си-би-ес њуз.
Официјални лица соопштија дека уште еден хотел во градот исто така бил цел на напад, при што биле оштетени прозорци и испишани графити.
Esto es Minneapolis ahora mismo‼️
Manifestantes rodean el hotel donde se alojan las patrullas asesinas de la ICE de Donald Trump.
Literalmente van a ser ellos los deportados. Poesía pic.twitter.com/FGBhc1Dy2O
— Víctor Egío (@EgioVictor) January 10, 2026
На прес-конференцијата во саботата, градоначалникот на Минеаполис, Џејкоб Фреј, ги пофали мнозинството демонстранти, за кои рече дека биле мирни, но нагласи дека лицата кои предизвикуваат материјална штета или ги ставаат другите во опасност ќе бидат уапсени.
Шефот на полицијата Брајан О’Хара изјави дека 29 лица уапсени во петокот вечерта подоцна биле ослободени, според извештаите.
