Американски функционер изјави за Си-би-ес њуз дека украинската влада „се согласила на мировен договор“ постигнат со посредство на администрацијата на Трамп за да се стави крај на речиси четиригодишната офанзива на Русија.
Американски функционер и украинскиот советник за национална безбедност Рустем Умеров изјавија дека е постигнат заеднички договор за предлогот, додека деталите сè уште не се разработени, пренесува Си-би-ес њуз.
„Украинците се согласија на мировен договор“, изјави американски функционер. „Постојат некои мали детали што треба да се разработат, но тие се согласија на мировен договор“.
Умеров објави на социјалните мрежи дека Украина „ги цени продуктивните и конструктивни состаноци одржани во Женева меѓу украинската и американската делегација, како и постојаните напори на претседателот Трамп за ставање крај на војната“.
„Нашите делегации постигнаа заеднички договор за основните услови на договорот за кој се разговараше во Женева. Сега сметаме на поддршката од нашите европски партнери во нашите понатамошни чекори“, се вели во соопштението на Умеров.
We appreciate the productive and constructive meetings held in Geneva between the Ukrainian and U.S. delegations, as well as President Trump’s steadfast efforts to end the war.
Our delegations reached a common understanding on the core terms of the agreement discussed in…
— Rustem Umerov (@rustem_umerov) November 25, 2025
Тој, исто така, изрази оптимизам дека посетата на украинскиот претседател на Соединетите Американски Држави ќе биде организирана во најраниот погоден датум во ноември за да се завршат последните чекори и да се постигне договор со Трамп.
Си-би-ес њуз наведе дека Русија не реагирала веднаш на договорот во Абу Даби.
