„Ставивме точка јасно и недвосмислено“, кажа таа денес, обраќајќи се по седницата на Претседателството и Генералниот одбор на Српската напредна партија (СНС).
Според неа, земјиштето кое го купила оваа компанија ќе биде вратено во земјоделско земјиште.
„Почнавме тоа да го правиме, односно катастарот, бидејќи тоа беше нешто што е последично на сите одлуки за укинувањето на Рио Тинто. Слушнав потоа дека Рио Тинто потпишал договор за уште некои парцели – тоа е, колку што разбирам, договор кој тие претходно го случиле, па го потпишале, но Рио Тинто повеќе нема ништо во Република Србија. Ја има таа земја што ја купиле, која ние не можеме да им ја одземеме затоа што тоа е приватно земјиште, но дека ставивме точка – ставивме точка“, кажа Брнабиќ.
Српската премиерка во јануари соопшти дека владата го укинала указот за реализација на проектот за експлоатација и преработка на минералот јадарит.
„Просторниот план е укинат и тој повеќе не постои. Со самото тоа се поништени сите управни акти поврзани со Рио Тинто, сите дозволи, решенија, одлуки и сè останато“, кажа српската премиерка.
