Стармер ги предводеше Лабуристите до една од најголемите изборни победи во британската историја во 2024 година, но само 16 месеци подоцна, партијата попушта на анкетите и е подготвена да прекрши едно од своите клучни предизборни ветувања и да го зголеми данокот на доход за прв пат од 1970-тите.
Неколку британски медиуми во средата ги цитираа сојузниците на Стармер дека премиерот ќе се бори против секој предизвик за своето лидерство, а Стритинг и министерката за внатрешни работи Шабана Махмуд беа именувани како можни кандидати за негова замена.
„Тој брифинг е категорично невистинит“, изјави Стритинг за Би-би-си радио. „Нема да барам оставка од премиерот“, изјави Стритинг за Скај њуз потоа. „Го поддржувам премиерот. Го правам тоа откако беше избран за лидер на Лабуристичката партија“, додаде министерот за здравство.
Цените на британските државни обврзници паднаа во среда и имаа послаби резултати во однос на американските и германските обврзници, што потенцијално укажува на загриженост кај инвеститорите во врска со изгледите на Стармер да ја задржи премиерската функција.
Анкетите покажуваат дека Стармер е меѓу најмалку популарните премиери на сите времиња, а неговата партија со месеци заостанува зад популистичката партија „Реформа на Велика Британија“ на Најџел Фараж.
Но, особено е тешко да се смени лидерот на лабуристите бидејќи за секој обид би била потребна поддршка од 20 проценти од членовите на таа партија во парламентот, што грубо значи дека околу 80 од нив би морале да поддржат алтернативен кандидат.
