Автомобилот на неговата ќерка и фасадата на зградата биле оштетени во експлозијата што се случи на околу 20 километри јужно од Рим, соопшти истиот извор.
„Силата на експлозијата беше толку голема што можеше да убие некого доколку поминуваше во тој момент“, се вели на порталот, додавајќи дека е отворена истрага.
Веста за експлозијата беше осудена од бројни политички функционери од сите страни на политичкиот спектар.
Questa notte un ordigno è stato piazzato sotto l’auto del giornalista e conduttore di Report, Sigfrido Ranucci. L’auto è saltata in aria, danneggiando anche l’altra auto di famiglia e la casa accanto. Sul posto carabinieri, Digos, vigili del fuoco e scientifica. La Procura di… pic.twitter.com/KmDycbpgq1
— Report (@reportrai3) October 16, 2025
Конзервативната премиерка Џорџа Мелони изрази „целосна солидарност“ со новинарот и „цврсто го осуди овој сериозен чин на заплашување“.
„Слободата и независноста на информациите се вредности на нашата демократија од кои не можеме да се откажеме и кои ќе продолжиме да ги браниме“, додаде таа.
На веб-страницата на Репорт се вели дека таа направила историја во истражувачкото новинарство на телевизија.
„Зигфрид Ранучи и тимот на Репорт повторно предводат во истрагите и продлабоченото известување во политиката, економијата и општеството“, се вели на веб-страницата.
На рангирањето на Репортери без граници за слободата на печатот за 2025 година, Италија е на не толку славното 49-то место, пишува агенцијата Франс Прес.
