Во дискусија која се одвиваше на социјалната мрежа Твитер, Гејтс одговараше на многу прашања за пандемијата и новата мутација – омикрон.
Гејтс предупреди дека постои веројатност дека ќе мора да се вакцинираме секоја година. Меѓутоа, неговата прогноза е дека коронавирусот наскоро ќе го третираме како обичен грип.
„Омикрон е голем предизвик за сите здравствени системи низ светот, а најтешките случаи на зараза со омикрон ќе се развијат кај луѓето кои не се вакцинирани“, смета Гејтс.
Меѓутоа, според него, доброто нешто е што омикрон ќе создаде имунитет кај повеќето луѓе, а малку е веројатно дека ќе се појави нова варијанта на вирусот.
„Она што сега се случува е тоа што и вакцинираните се заразуваат со новите и посилни варијанти на коронавирусот. Вакцините кои допрва ќе се направат би требало да спречат инфекција и да обезбедат повеќегодишен имунитет“, порача основачот на Мајкрософт.
