Донацијата на Фондацијата Гејтс е иста како во 2022 година, кога Глобалниот фонд, независна организација со седиште во Женева, последен пат собра средства во рамките на тригодишен буџетски циклус. Оваа година доаѓа по големите намалувања на државната помош, првенствено американската.
Според Институтот за здравствени метрики и евалуација (ИХМЕ), глобалната развојна помош се намалила за 21% помеѓу 2024 и 2025 година, на најниско ниво во последниве 15 години. Гејтс предупреди дека ова може да го загрози напредокот што од 2000 година ја преполови смртноста кај децата и спасува околу пет милиони животи годишно.
Фондацијата Гејтс, основана во 2000 година, е еден од најголемите светски финансиери на глобалното здравје, со акцент на спречување на смртност кај мајки и деца, борба против заразни болести и намалување на сиромаштијата. Порано оваа година, Гејтс објави дека ќе го донира речиси целото свое богатство, проценето на 200 милијарди долари, до 2045 година, побрзо отколку што планираше, поради итните потреби во светот.
На годишниот настан Голкиперс, фондацијата му ја додели наградата „Глобален голман“ на шпанскиот премиер Педро Санчез, истакнувајќи дека Шпанија го зголемила својот придонес во Глобалниот фонд за 12 проценти и во Глобалната алијанса за вакцини (ГАВИ) за 30 проценти.
