По состанокот на министрите за надворешни работи на ЕУ, шефицата на германската дипломатија истакна дека земјите од Западниот Балкан јасно дале до знаење дека својата иднина и безбедност ги гледаат во Европската Унија, поради што повеќето од нив ги поддржуваат европските санкции.
„Би сакала да ѝ порачам на Србија, ако сакате да станете членка на Европската Унија, што Србија го сака, клучно е да ја поддржите и надворешната политика на Европската Унија и соодветните санкции“, порача Бербок.
Претходно претседателот на Германија Франк Валтер Штајнмаер, во честитката за победата на изборите на 3 април, на претседателот на Србија Александар Вучиќ му напиша дека „Германија ја поддржува Србија и државите од Западниот Балкан како сигурен партнер, но дека воведувањето санкции на Русија ќе биде значајно за евроинтеграциите“.
