Германскиот канцелар вчера го посети Вашингтон пред сѐ за да разговара со претседателот на САД за ситуацијата во Украина.
Според Бајден, тие разговарале и за предизвиците со кои се соочуваат во меѓународниот поредок од Кина, заедно со Русија „и другите конкуренти што се стремат кон понелиберална иднина“.
„Ја потврдивме и нашата посветеност да ја завршиме работата за интегрирање на Западен Балкан во европските институции и конечно да ја оствариме онаа Европа што е цела, слободна и во мир“, рече Бајден.
Во своите забелешки, германскиот канцелар рече дека кога станува збор за Русија и Украина, важно е сите сојузници – САД и Германија, трансатлантското партнерство меѓу САД и Европа, НАТО, да зборуваат во еден глас.
„Значи, (ако има воена агресија) ќе има висока цена за Русија… Во исто време, важно е да ги искористиме сите дипломатски средства што ги имаме“, рече Шолц.
