Пензионерката позната како „бабушка Ања“ минатиот месец беше фатена на камера како по грешка ги поздравува украинските војници со советско знаме. Војниците ѝ го одзедоа знамето и газеа по него.
Снимката стана вирална во Русија, силно промовирана од државните вести, а сликите на „бабушка Ања“ беа масовно истакнувани на јавни места. Висок функционер на Кремљ, кој оваа недела ја откри нејзината статуа во разорениот пристаништен град Мариупол, рече дека сака да ја најде Ања „за да ѝ се заблагодари и да ѝ се поклони“.
Центарот за стратегиски комуникации и информациска безбедност на украинската влада во четвртокот сподели видео од бабушка Ања, која ја идентификуваше како Ана Иванова, и нејзиниот сопруг, во болница во градот Харков.
„Грозно е што Русија ни дојде со војна. Многу страшно“, вели Иванова на снимката.
#Ukraine says it’s found “Granny Anya,” the elderly woman now celebrated in Russia for waving a Soviet flag at Ukrainian troops. Anna Ivanovna and her husband are now in Kharkiv after their home came under Russian artillery fire. pic.twitter.com/mrEy7T0KdM
— Stratcom Centre UA (@StratcomCentre) May 5, 2022
„Само сакав да им честитам на Русите што дојдоа и да им кажам да престанат со уништувањето и мирно да ги решат своите проблеми“, објасни таа.
„Сега завршив како предавник“, одговори Иванова на протестите на нејзините интервјуери зад камерите.
Запрашана за нејзината новооткриена слава меѓу провоените Руси, Иванова рече: „Посакувам да не бев славна и да немаше војна“.
Снимките на социјалните мрежи објавени претходно оваа недела покажуваат дека украинските војници ги повикуваат Иванова и нејзиниот сопруг да го напуштат својот оштетен дом на периферијата на Харков.
DEBUNKED: Anna Ivanova, an elderly lady with a Soviet flag, has become a symbol of “pro-Russian Ukraine,” “bravely standing up to nationalists.” Russia now hails her as a resistance hero. 1/4 pic.twitter.com/5oVp6vYvwG
— Stratcom Centre UA (@StratcomCentre) May 6, 2022
„Сите други си заминаа“, им вели еден војник. „Русите се на 5 километри од овде, пукаат во нас и погодија сè тука. Ќе повикаме некого да ве извлече“.
Врховниот командант на украинската армија во четвртокот соопшти дека почнале контраофанзиви против руските војници околу Харков и соседниот град Изум.
