Руската новинска агенција ТАСС претходно објави дека нема преживеани од патничкиот авион во источниот регион Амур, според прелиминарните податоци.
ТАСС, исто така, соопшти дека причина за несреќата е грешка на екипажот за време на слетувањето при слаба видливост.
07/24/25 🇷🇺 Footage released in Russia: the plane flew at a very low altitude, moments before it crashed
360 – 24/7 🇮🇱
Assaf Rosensweig #Russian #PlaneCrash pic.twitter.com/Uc5ck5jIme
— 💥Ray Murray jr (@rmjr2654) July 24, 2025
Непотврдено видео, снимено од хеликоптер и објавено на социјалните медиуми, се чини дека го прикажува авионот како се урива во густо пошумена област, објави Ројтерс, додавајќи дека авионот, чиј број на опашката укажува дека е произведен во 1976 година, бил управуван од авиокомпанијата Ангара со седиште во Сибир.
Ројтерс, повикувајќи се на официјален претставник на службите за итни случаи, претходно објави дека хеликоптер го лоцирал запалениот труп на авионот.
First footage from the crash site of the An-24 in the Amur region, Russia. The plane crashed 15 kilometers from the city of Tynda. There were 48 people on board. All are presumed dead.
Technical failure and pilot error are being considered the main causes of the tragedy.… pic.twitter.com/50ehCLAyFg
— Russian Market (@runews) July 24, 2025
Патнички авион исчезна во рускиот регион Амур и немало никаков контакт со авионот, изјавија службите за итни случаи за новинската агенција Интерфакс порано денес.
„Авионот Ан-24 летал на рутата Хабаровск-Благовешченск-Тинда. Не поминал на контролата во близина на својата крајна дестинација. Нема контакт со него“, соопштија службите за итни случаи.
Интерфакс објави дека авионот превезувал 40 патници и шест члена на екипажот.
Ројтерс, повикувајќи се на Интерфакс и медиумот ШОТ, објави дека руската контрола на лет изгубила контакт со патничкиот авион Ан-24 со околу 50 лица во него во источниот регион Амур.
ШОТ соопшти дека авионот на компанијата Ангара летал кон градот Тинда во регионот Амур што се граничи со Кина и се верува дека бил на неколку километри од својата дестинација кога го изгубил контактот.
Ројтерс, повикувајќи се на локалниот гувернер, објави дека во тек е потрага.
✈️🚨 Passenger plane crashes in Russia’s Amur region — over 40 people on board
A Soviet-made Antonov An-24 aircraft operated by Angara Airlines disappeared from radar near the town of Tynda while attempting a second landing approach. Emergency crews later found the burning… pic.twitter.com/MOO08NTbEP
— NEXTA (@nexta_tv) July 24, 2025
Локалното Министерство за вонредни ситуации соопшти дека авионот, управуван од авиокомпанијата Ангара со седиште во Сибир, исчезнал од радарот додека се приближувал кон својата дестинација Тинда, град во регионот Амур што се граничи со Кина.
Регионалниот гувернер Василиј Орлов изјави дека, според прелиминарните податоци, во авионот имало 43 патници, меѓу кои пет деца, и шест членови на екипажот.
„Сите потребни сили и средства се распоредени за потрага на авионот“, напиша тој на Телеграм.
Министерството за вонредни ситуации соопшти дека бројот на луѓе во авионот е малку помал, околу 40.
Остатоци од авионот се пронајдени на рид на околу 15 километри од Тинда, објави новинската агенција Интерфакс, повикувајќи се на службеници за вонредни ситуации, според Ројтерс.
„За време на пребарувањето, хеликоптер Ми-8 што ѝ припаѓа на Росавијација го откри трупот на авионот, кој гореше. Спасувачите продолжуваат да се движат кон местото на несреќата“, напиша Јулија Петина, од службите за вонредни ситуации, на Телеграм.
Властите најавија истрага за несреќата.
