„Артемис II е почеток на нешто поголемо од која било поединечна мисија. Таа го означува нашето враќање на Месечината, не само за да ја посетиме, туку и за на крајот да останеме во нашата база на Месечината, и ги поставува темелите за следните огромни скокови што претстојат“, рече администраторот на НАСА, Џаред Ајзекман.
Успешното лансирање го означува почетокот на мисијата што ќе трае приближно десет дена за астронаутите на НАСА, Реид Вајзман, Виктор Гловер и Кристина Кох и астронаутот на Канадската вселенска агенција, Џереми Хансен.
Liftoff.
The Artemis II mission launched from @NASAKennedy at 6:35pm ET (2235 UTC), propelling four astronauts on a journey around the Moon.
Artemis II will pave the way for future Moon landings, as well as the next giant leap — astronauts on Mars. pic.twitter.com/ENQA4RTqAc
— NASA (@NASA) April 1, 2026
Како прва мисија со екипаж во рамките на програмата „Артемис“ на НАСА, летот, меѓу другото, ќе демонстрира системи за поддршка на живот за прв пат и ќе ги постави темелите за трајно присуство на Месечината, пред идните мисии на Марс.
The Orion spacecraft successfully separated from the upper stage of the rocket, and the “proximity operations” test is underway. The Artemis II astronauts are manually piloting Orion similarly to how they would if they were docking with another spacecraft. pic.twitter.com/RWW4RSyaoq
— NASA (@NASA) April 2, 2026
За време на планираниот неколкучасовен лет покрај Месечината во понеделник, 6 април, астронаутите ќе фотографираат и ќе ја набљудуваат површината на Месечината, како први луѓе кои ќе видат некои делови од нејзината спротивна страна.
По успешниот лет покрај Месечината, астронаутите ќе се вратат на Земјата и ќе слетаат во Тихиот Океан.
