„МААЕ внимателно ги следи случувањата на Блискиот Исток и повикува на воздржаност за да се избегнат какви било ризици за нуклеарната безбедност на луѓето во регионот“, се вели во соопштението на агенцијата на Икс, пренесува Ројтерс.
Агенцијата додаде дека е „во постојан контакт со земјите во регионот и досега нема докази за какво било радиолошко влијание“.
Соединетите Американски Држави и Израел утрово го нападнаа Иран, на што иранската паравоена Револуционерна гарда одговори со напад со ракети кон Израел, како и кон други земји во регионот, како Кувајт и Бахреин.
МААЕ вчера соопшти дека Иран не ѝ дозволил пристап до своите нуклеарни постројки кои беа оштетени во израелските и американските напади во јуни минатата година и дека „не може да потврди дали Иран ги запрел сите активности за збогатување на ураниум, ниту пак големината на залихите на ураниум на Иран во погодените нуклеарни постројки“.
