Додека главниот град беше во хаос по нападот во кој животот го загубија двајца припадници на Националната гарда, Венс им се обрати на војниците од воената база во Кентаки, а неговиот говор предизвика јавно негодување.
Венс вчера попладне ги посети војниците во Форт Кемпбел, Кентаки, за да ја упати пораката за Денот на благодарноста. Откако го спомена инцидентот во главниот град, следуваше неочекуван пресврт.
„Кој стварно сака, кажете искрено, кој стварно сака мисирка?“, ја праша Венс публиката. По громогласниот аплауз, тој продолжи. „Сер*те, сите што кренавте раце. Мисирката всушност нема толку добар вкус. Пилешкото е секогаш вкусно“, изјави тој.
Vance: Who really likes — be honest with yourself, who really likes Turkey? You are all full of shit. Everybody who raised your hands… Turkey doesn’t actually taste that good. Chicken is good all the time. pic.twitter.com/4TDDHAihUv
— Acyn (@Acyn) November 26, 2025
Традиционалното сервирање мисирка на Денот на благодарноста во Соединетите Американски Држави датира од раните доселеници во Нова Англија и нивните први гозби по жетвите во 17 век, иако историските записи не потврдуваат дека мисирката всушност била послужена во 1621 година на познатиот „прв Ден на благодарноста“ на аџиите.
Сепак, мисирката била домашна, лесно достапна дива птица, која можела да нахрани големи групи луѓе и природно станала симбол на американската есенска гозба. Во текот на 19 век, особено благодарение на популарните описи во книгите и списанијата и влијанието на Абрахам Линколн, кој во 1863 година го прогласил Денот на благодарноста за национален празник, мисирката цврсто се вкоренила како централен елемент на традицијата.
Така постепено станала културен симбол на семејните вечери, благосостојбата и ритуалот на собирање, што и денес го обележува американскиот идентитет.
Сепак, Ванс, проговори и за нападот.
Во истиот говор, Ванс ги повика „сите што се од вера“ да се молат за двајцата членови на Националната гарда, додавајќи дека многу околности на нападот, вклучително и мотивот на напаѓачот, сè уште се непознати. „Мислам дека ова е тажен потсетник дека војниците, без разлика дали се активни, резервисти или Национална гарда, се мечот и штитот на Соединетите Американски Држави“, рече Ванс.
Во времето на пукањето дури ни претседателот Доналд Трамп не беше во главниот град. Тој беше на своето голф-игралиште во Вест Палм Бич и речиси еден час по првата вест за нападот, објави статус на социјалната мрежа Трут сошл што не беше поврзан со инцидентот, што значи дека сè уште не бил информиран за трагедијата.
Подоцна тој сепак се огласи. „Животното што застрела двајца членови на Националната гарда, двајцата се критично ранети и сега се во две одделни болници, исто така беше сериозно рането, но без оглед на тоа, тој ќе плати многу висока цена“, рече тој.
Ванс беше нападнат онлајн
„Бог да ја благослови нашата Голема Национална гарда и сите наши воени и полициски сили. Тие се навистина Големи Луѓе. Јас, како претседател на Соединетите Американски Држави и сите поврзани со Канцеларијата на претседателот, сме со вас!“, додаде Трамп.
Необичниот говор на Венс и целата ситуација предизвикаа лавина од лути реакции на социјалните мрежи. „Активирањето на Националната гарда доведе до смрт на двајца војници што воопшто не требаше да бидат во Вашингтон. Ова е толку трагично“, напиша еден корисник под видеото од говорот.
„Немаше добра причина да бидат испратени на улиците на Вашингтон. Умреа поради перформативен трик“, додаде друг. Јавноста, исто така, критикуваше објава на профилот на социјалните мрежи на Венс на Икс, каде што беше споделен пренос во живо од разговорот на музичарот Кид Рок со војската.
„Двајца гардисти загинаа, а вие си го славите Денот на благодарноста како ништо да не се случило. Ох, кратко споменување молитви, но потоа веднаш се враќате на славење“, коментираше еден корисник. „Еб*ниот Кид Рок… побогу, каква група лекомислени луѓе… сериозно??“, рече друг.
