Државниот секретаријат објави дека американските претставници го проценуваат „потенцијалното продолжување“ на активностите на амбасадата во таа јужноамериканска земја, по нападот на американската војска на јужноамериканската земја и заробувањето на нејзиниот претседател Николас Мадуро. Неговата потпретседателка Делси Родригез ја презеде функцијата привремен шеф на државата.
„Венецуелската влада одлучи да почне прелиминарен дипломатски процес со американската влада, со цел повторно воспоставување дипломатски мисии во двете земји“, објави венецуелската влада. Тие додадоа дека ќе испратат делегација во Вашингтон по тој повод.
Претходно во петокот американскиот претседател Доналд Трамп изјави дека ослободувањето на политичките затвореници во Венецуела е знак на „барање мир“ и дека затоа го откажал планираниот втор бран напади. Во средата Трамп кажа дека САД „се сложуваат многу добро“ со венецуелската влада предводена од Родригез, особено кога станува збор за обнова на нафтената и гасната инфраструктура.
