Оваа изјава доаѓа откако венецуелскиот претседател Николас Мадуро апелираше до Москва за воена поддршка. Неговото барање вклучува поправки на борбените авиони „сухој“ од руско производство, надградби на радарските системи и испорака на ракетни системи.
Каракас го оправдува потегот како одговор на растечките закани од Вашингтон, кој, според нивните тврдења, значително го зголеми своето воено присуство на Карибите во последните месеци.
Во последните месеци американската војска го зголеми своето присуство во Карипско Море и во близина на Венецуела. Администрацијата на американскиот претседател Доналд Трамп го нарекува тоа дел од борбата против нарко-картелите, но Каракас го гледа потегот како директна закана.
Пентагон распореди разурнувачи, подморници и борбени авиони Ф-35 во областа околу Порторико и јужните Кариби, што го прави регионот една од клучните точки на тензии меѓу Вашингтон и сојузникот Русија.
Во исто време, Венецуела сè поотворено ги зајакнува односите со Москва. Во последните недели се склучени нови договори за воена и енергетска соработка, а руските претставници редовно нагласуваат дека се подготвени да „го поддржат пријателскиот народ на Венецуела“.
Ваквите случувања дополнително ги зголемуваат тензиите во регионот, во време кога Каракас сè повеќе се повикува на агресивната политика на САД и бара поголема поддршка од своите сојузници, пред сè од Русија.
