Министерката за надворешни работи Ивет Купер соопшти дека санкциите се воведуваат за телеграм-каналот „Рибар“, Фондацијата за поддршка и заштита на правата на сонародниците што живеат во странство – која, според естонската разузнавачка служба, служи како параван за разузнавачката агенција ГРУ – како и за Центарот за геополитичка експертиза, институт што го води крајнодесничарскиот руски писател Александар Дугин.
Санкции добија и две компании со седиште во Кина „поради нивните обемни и неселективни сајбер-активности насочени против Велика Британија и нејзините сојузници“, рече Купер.
Во говорот што го одржа во Министерството за надворешни работи во Лондон, Купер истакна дека Велика Британија и нејзините партнери се соочуваат со растечка ескалација на „хибридни закани осмислени да ја ослабат клучната национална инфраструктура, да ги поткопаат нивните интереси и да се мешаат во британската демократија“.
„Треба јасно да кажеме што е ова: руски информациски напад. А ние се браниме“, додаде таа.
