Осомничениот за нападот е уапсен, пренесува Фокс њуз.
Шерифот на округот Гранд Траверс, Мајкл Ши, изјави дека 42-годишен маж, дејствувајќи сам, влегол во продавница во Траверс и употребил нож на преклопување за да избоде околу десетина луѓе.
BREAKING: A mass casualty event has been declared at a Walmart in Traverse, Michigan:
– At least 7 people have reportedly been wounded in a stabbing.
– One suspect is in custody.
– Stabbings took place near the pharmacy, and several victims were senior citizens.
– The… pic.twitter.com/ib2LxSFCuQ
— Brian Krassenstein (@krassenstein) July 26, 2025
Осомничениот, чиј идентитет властите не го соопштија јавно, бил приведен за неколку минути, граѓаните кои случајно се нашле во Волмарт помогнале да се приведе човекот и да им се помогне на жртвите.
Напаѓачот е американски државјанин од Мичиген и претходно и бил непознат на полицијата. За три минути е уапсен благодарение на брзата реакција на граѓаните.
Болницата Мунсон соопшти дека пет жртви се во сериозна состојба, а шест се во критична состојба.
Гувернерот на Мичиген, Гретчен Витмер, се огласи на социјалните мрежи: „Нашите мисли се со повредените и со целата заедница која се обидува да се справи со овој брутален чин на насилство“.
Волмарт, исто така, издаде соопштение: „Овој вид насилство е неприфатлив. Нашите мисли се со повредените и сме благодарни за брзата интервенција на службите за итни случаи. Тесно соработуваме со властите.“
Траверс е мал град во северниот дел на Мичиген, кој се наоѓа на брегот на заливот Гранд Траверс на езерото Мичиген.
