Според украинските власти, во возилата се наоѓале околу 40 милиони долари, 35 милиони евра и девет килограми злато, кои биле транспортирани како дел од банкарски трансфер.
Оклопните возила, кои ѝ припаѓале на украинската државна банка Ошчадбанк, биле запрени од унгарските безбедносни служби на унгарска територија. При интервенцијата биле задржани и седумте украински банкарски службеници што го придружувале транспортот.
❗️WATCH: Video of Hungarian Counter Terrorism Centre catching Zelensky’s money and gold convoy https://t.co/MkM0WfHKYV pic.twitter.com/1Nqnjf46mw
— RT (@RT_com) March 6, 2026
Украинските власти тврдат дека заплената е незаконска и побараа итно ослободување на службениците, како и враќање на парите и златото.
Инцидентот доаѓа во време на зголемени тензии меѓу Украина и Унгарија, поради низа политички и економски спорови. Меѓу нив се несогласувањата околу европската помош за Украина, правата на унгарското малцинство во Украина и енергетските прашања во регионот.
