„Европскиот совет договори заем за Украина под услов три земји да не учествуваат финансиски во него. Тој услов е исполнет и затоа очекуваме сите лидери да ги почитуваат своите обврски, додека непочитувањето очигледно би било, или е, кршење на лојалната соработка“, изјави Пињо на прес-конференција.
Лидерите на земјите членки на самитот во декември одлучија дека ќе ѝ обезбедат на Украина заем од 90 милијарди евра за следните две години, за кој ќе гарантира европскиот буџет. Европската комисија потоа објави законодавен предлог за таа одлука да може да се спроведе.
Заемот за Украина е одобрен врз основа на механизмот на засилена соработка, бидејќи не беше можно да се постигне согласност на сите земји членки. Унгарија, Чешка и Словачка се иззедоа и нема да учествуваат во отплатата на долгот.
Потоа преговарачите на Советот и Европскиот парламент постигнаа договор за три законодавни текста потребни за спроведување на одлуката за заемот. За два закони е потребно квалификувано мнозинство, додека за третиот, кој се однесува на измените на Повеќегодишната финансиска рамка за периодот 2021 – 2027, е потребна едногласна одлука на сите земји членки.
Унгарија и Словачка сега, откако Европскиот парламент ги изгласа тие закони и остана уште само потврдата од Советот, најавија дека ќе го блокираат законот за кој е потребна едногласна одлука.
Будимпешта и Братислава ја условуваат својата согласност со продолжување на транзитот на нафта преку нафтоводот Дружба, кој беше оштетен на 27 јануари во руски напад со беспилотни летала. Сега ја обвинуваат Украина дека одолжува со поправката на тој нафтовод.
Освен што го блокираат заемот, го ускратуваат својот глас и за 20-тиот пакет санкции против Русија. Унгарија исто така ја прекина испораката на дизел во Украина, а заедно со Словачка се заканува дека ќе ја прекине и испораката на електрична енергија.
