„Добро утро, Урсула фон дер Лаен! По речиси 50 дена, Комисијата забележа дека две земји членки се под нафтена блокада на Украина, сега ветувајќи дека ќе ја решат ситуацијата“, објави унгарскиот министер за надворешни работи Петер Сијарто на социјалната мрежа Икс.
„Ова е политичка игра. Секој чекор е координиран меѓу Киев и Брисел. Да не се преправаме дека Урсула фон дер Лаен решава проблем за кој претходно не била свесна“, додаде Сијарто и повика „нафтената блокада на Унгарија веднаш да се укине“.
Good morning, Ursula von der Leyen! After nearly 50 days, the @EU_Commission has noticed that two member states are under an oil blockade by Ukraine, now promising to resolve the situation.
Don’t be fooled. This is a political game. Every step was coordinated between Kyiv and… https://t.co/lLtMGKozEc
— Péter Szijjártó (@FM_Szijjarto) March 17, 2026
Европската Унија денес ѝ понуди на Украина техничка поддршка и финансирање на поправката на нафтоводот Дружба со цел да се овозможи продолжување на испораките на нафта преку тој нафтовод до Унгарија и Словачка, а Киев ја прифати понудата.
„Европската Унија понуди техничка поддршка и финансирање на Украина. Украинците го поздравија тоа и ја прифатија понудата“, се вели во заедничкото писмо на претседателот на Европскиот совет Антонио Кошта и претседателката на Комисијата Урсула фон дер Лаен.
Европската Унија брза да го деблокира заемот од 90 милијарди евра за Украина и 20-тиот пакет санкции против Русија, кои Унгарија и Словачка ги блокираат.
Во писмото испратено од украинскиот претседател Володимир Зеленски до Кошта и Фон дер Лајен, се наведува дека заемот од 90 милијарди треба да се обезбеди што е можно поскоро, за да може првата транша да се исплати веќе на почетокот на следниот месец. Зеленски додава и дека 20-тиот пакет санкции е исто така „исклучително важен за зајакнување на мировниот процес“.
По Сијарто, се огласи и унгарскиот премиер Виктор Орбан, порачувајќи на социјалните мрежи дека Украина „ако нема нафта, нема пари од Брисел“.
To President @ZelenskyyUa:
No oil deliveries? No money. It’s that simple. pic.twitter.com/KXvrpWvsKP
— Orbán Viktor (@PM_ViktorOrban) March 17, 2026
Орбан и неговата партија Фидес ја темелат целата своја кампања за изборите на 12 април на патриотска реторика, порачувајќи дека „целата нафтена блокада се користи за мешање во унгарските избори на страната на опозициската партија Тиса“.
По 16 години на власт Орбан би можел да биде поразен од неговиот поранешен сојузник Петер Маѓар, чија партија Тиса, според анкетите, води пред Фидес.
Според европски дипломатски извори, на претстојниот самит на лидерите на ЕУ не се очекува да се дискутира за заемот од 90 милијарди. Изворот тврди дека одлуката веќе е донесена во декември минатата година и дека сега сè што останува е да се спроведе таа одлука, која ја прифатиле сите лидери на земјите членки, вклучувајќи го и Виктор Орбан.
