Тој бил фатен минатиот месец додека набљудувал воени објекти што се казнува со пет до 30 години затвор.
Јацек Добжински, портпаролот на полското министерство за внатрешни работи кажа дека државјанинот на Украина, роден во Русија, го уапсиле агенти на службата за безбедност во покраината Мазовија кај главниот град Варшава.
Тој за Асошиејтед прес кажа дека апсењето не било веднаш извршено бидејќи и понатаму траела истрагата.
Властите велат дека Полска е мета на шпионажа и хибридни напади од Москва и дека ситуацијата е сè потешка од почетокот на конфликтот во Украина.
Агенцијата за внатрешна безбедност од почетокот на војната во 2022 година привела 44 лица осомничени дека во Полска шпионирале или вршеле саботажи за Русија и Белорусија.
