Нивната цел е да ги запрат руските беспилотни летала кои го преплавуваат небото над бојното поле и да нападнат сè што се движи – без разлика дали се работи за оклопен транспортер кој носи залихи или војник скриен во шумата.
Благодарение на густата мрежа, пропелерите на беспилотните летала можат да се заплеткаат и да се онеспособат. Тоа е едноставна, но ефикасна одбрана од беспилотни летала кои се пребрзи за да се соборат и можат да навлезат длабоко зад бојното поле за да ги погодат патиштата за снабдување.
Another great catch! russian drone caught in Ukrainian nets. Nets save lives and equipment! pic.twitter.com/hXNhMTYoW4
— De Leeuw Kyiv 🇺🇦🇳🇱 (@deleeuwkyiv) June 13, 2025
Русија сè повеќе користи беспилотни летала поврзани со оптички кабли, наместо оние кои зависат од радио сигнали. Ваквите дронови се отпорни на попречување, што е стандарден метод за борба против нив. Мрежите станаа едно од ретките средства за запирање на овие беспилотни летала пред да нападнат.
„Воените инженери забележаа дека дури и обична рибарска мрежа може да запре или оштети непријателски дрон“, изјави неодамна за домашните медиуми потполковник Максим Кравчук, раководител на комуникациите на Инженерскиот корпус на украинската армија. Тој додаде дека мрежите сега се распоредени „по целата линија на фронтот, од исток кон југ“.
Москва прва почна да користи мрежи
Москва беше првата што почна да ги користи мрежите на овој начин, изјави Федерико Борсари, експерт за воена технологија во Центарот за анализа на европската политика, и тоа во помал обем во средината на 2023 година. Во тоа време, руските сили ги користеа мрежите за одбрана од украински мали беспилотни летала кои напаѓаа војници и возила.
Минатата година руската државна новинска агенција ТАСС соопшти дека нејзините трупи почнале да поставуваат рибарски мрежи над патиштата во делови од окупираната североисточна Украина. Снимките прегледани од Њујорк тајмс покажуваат и мрежи поставени во близина на Бахмут, град кој Русите го освоија во 2023 година по крвавите борби.
Кога Москва почна да доминира во развојот на беспилотни летала, украинската војска почна да применува слични тактики. Киев сега планира да ги покрие клучните патишта долж целата линија на фронтот со мрежи, создавајќи таканаречени „мрежни коридори“ кои овозможуваат возилата да минуваат побезбедно.
We have photos and videos that these nets are actually installed and catch drones. pic.twitter.com/mnTbRyx4Za
— De Leeuw Kyiv 🇺🇦🇳🇱 (@deleeuwkyiv) July 6, 2025
Се менува изгледот на бојното поле
Овој проект полека го менува изгледот на бојното поле. Патиштата што некогаш беа обрабени со ровови и бодликава жица сега се покриени со мрежи нанижани меѓу столбови. Возењето под нив изгледа како поминување низ проѕирен тунел.
Воените возила исто така се опремени со мрежи, некои имаат и заштитни кафези. Овие кафези го принудуваат беспилотното летало да експлодира на неколку метри од возилото, со што се ублажува ударот. Употребата на мрежи покажува една од клучните карактеристики на оваа војна: честопати се користат застарени, но ефикасни средства против најсовременото оружје.
За соборување на беспилотни летала, некои украински единици сè уште се потпираат на митралези од времето на Втората светска војна. Неодамна, градски службеник во Херсон, град кој е честа цел на руските беспилотни летала, ги повика жителите да носат ножици со себе – за да можат, доколку е потребно, да го пресечат оптичкиот кабел поврзан со дронот.
„Руската инвазија на Украина, од воен аспект, е јасен пример за спојување на старото и новото“, изјави Борсари.
As anti-FPV road net tunnels expand on both sides in Ukraine, it has become clear that fishing nets are the best material choice.
Besides being light and strong, they are apparently very difficult to see with analog FPV cameras.
Note how hard it is to see the net in the video.
1/ https://t.co/GXOQkVOqnV pic.twitter.com/rYJrLiHBWD— Roy🇨🇦 (@GrandpaRoy2) May 5, 2025
Мрежни коридори
Во последните месеци локалните власти во Украина почнаа да градат мрежни коридори во регионот Суми на североисток, делумно окупиран од Русите, и во регионот Доњецк на исток, каде борбите се најжестоки. Не е познато колку километри мрежа се инсталирани досега. Додека руските беспилотни летала летаат подлабоко во внатрешноста на Украина, погоден е и главниот пристапен пат до Костијантинивка – град на исток кој е опкружен од сите страни освен од север.
За да се заштити оваа клучна сообраќајница, украинските сили почнаа да поставуваат голем коридор од мрежи на дел од патот. Бидејќи треба да се покријат стотици километри патишта, Киев сега бара помош од хуманитарни организации.
Лудвиг Раместам, основач на шведската невладина организација „Операција Чејнџ“, вели дека тие веќе испорачале 250 тони мрежи оваа година. Ги набавуваат од партнери од нордиските земји со голема рибарска индустрија, како Данска. „Им даваме на овие мрежи втор живот“, рече Раместам, шегувајќи се дека неговата организација ќе „ги испразни сите пристаништа“.
