Три лица се повредени, две градинки се оштетени, избувнал пожар во индустриска зона, тврди официјален Киев. Нападот на Харков, вториот по големина град во Украина, траеше поголем дел од ноќта, цел беше најголемиот и најстар кварт на градот, изјави градоначалникот Игор Терехов.
Екипите за вонредни ситуации соопштија дека се бореле со голем пожар кој по нападот зафатил 3.900 квадратни метри, пренесува Ројтерс.
Во нападот со беспилотни летала на градот беа оштетени и 11 станбени згради, изјави Терехов.
Руски војници нападнаа воена база во регионот на Киев, магацини со беспилотни летала и штаб на вооружените сили на Украина, изјави за РИА Новости, Сергеј Лебедев, координатор на движењето на отпорот во Миколаев.
Во Харков имаше шест напади на индустриски локации и работилници во близина на фабриката за трактори, соопшти Лебедев.
Russian drones target Kharkiv overnight, damaging 13 buildings
Three workers aged 50-60 were injured when Russian Shahed drones struck an enterprise in Kharkiv’s Kyiv district, causing significant fires and damaging surrounding buildingshttps://t.co/cM8XDD4ZLE
— Euromaidan Press (@EuromaidanPress) March 31, 2025
Воздухопловните сили на Украина соопштија дека собориле 57 од вкупно 131 беспилотни летала лансирани од Русија во текот на ноќта.
Нападот се случи една недела по делумниот прекин на огнот поврзан со енергетската инфраструктура и транспортот преку Црното Море. Оттогаш и двете страни постојано се обвинуваат меѓусебно за прекршување на договорот.
