Изјавата беше објавена по разговорите со турскиот министер за надворешни работи Хакан Фидан во Киев.
„Украина е подготвена за прекин на огнот на подолг временски период за да се запре убивањето и да се овозможи ефикасна дипломатија. Русија, исто така, мора да се согласи на целосен и безусловен прекин на огнот“, изјави Сибиха на платформата Икс, заблагодарувајќи ѝ се на Турција за нејзината улога во мировните напори.
Тој нагласи дека, доколку нема искрена посветеност на Русија кон мирот, меѓународниот притисок мора да се зголеми.
„Сè додека Москва одбива прекин на огнот и искрени напори за мир, меѓународниот притисок врз неа мора да расте“, додаде тој.
Сибиха, исто така, ја пофали поддршката на Турција за суверенитетот на Украина.
„Благодарни сме на Турција за нејзината поддршка на територијалниот интегритет на Украина и правата на Кримските Татари“, рече тој.
Тој додаде дека Фидан го информирал за неговата неодамнешна посета на Москва и ги опишал украинско-турските односи како „стратешко партнерство“ што ја зајакнува безбедноста во регионот на Црното Море.
Посетата на Фидан доаѓа во пресрет на зголемената дипломатска активност пред вториот круг преговори меѓу Русија и Украина, што ќе се одржи во Истанбул следната недела.
