Ал џезира објави дека тој е убиен во градот Зинтан, каде што се наоѓал во последните десет години. Тој беше затворен во тој град во 2011 година, но беше ослободен во 2017 година.
Иако Саиф ел Ислам е добро познат во таа северноафриканска земја, особено по неговата улога во обликувањето на политиката пред 2011 година, неговото значење во јавноста почна да бледнее.
Во 2015 година либиски суд го осуди на смрт во отсуство за задушувањето на протестите за време на револуцијата во 2011 година со која заврши владеењето на неговиот татко.
Против него и Меѓународниот кривичен суд поднесе привремено обвинение за наводни злосторства против човештвото, а неговите адвокати не успеаја да го оспорат.
Саиф ел Ислам се регистрираше како претседателски кандидат во 2021 година, но тие избори пропаднаа поради политичкиот застој.
