Канцеларијата на шерифот во тој округ објави фотографија на социјалните мрежи на која се гледа апсењето на осомничениот напаѓач, 57-годишниот Венс Лутер Боелтер.
„Лицето на злото. По неуморна и решителна полициска работа, убиецот сега е во притвор. Благодарение на посветеноста на повеќе агенции кои работат заедно, со поддршка на заедницата, сме еден чекор поблиску до правдата“, се вели во соопштението на канцеларијата на шерифот.
Manhunt over. Vance Boelter arrested in field near his home in Green Isle, Mn pic.twitter.com/T9bXFDdaww
— Spicey Bits (@SpiceyBits) June 16, 2025
Боелтер е осомничен за убиство на демократска конгресменка и нејзиниот сопруг во саботата, преправен во полицаец, во веројатно „политички мотивирано убиство“ и ранување на друг конгресмен и неговата сопруга.
Оттогаш, ФБИ и локалната полиција спроведоа масовна потрага по вооружениот напаѓач, кој избега пеш откако пукаше во полицијата и го напушти возилото во кое полицијата пронајде манифест и список на други пратеници и функционери.
Убиството на пратеничката Хортман и нејзиниот сопруг предизвика згрозување кај републиканските и демократските политичари низ целата земја и повици за ублажување на острата политичка реторика.
