За убиството е осомничен Мефаил Шкодра, по кого косовската полиција распишала потерница. Полицијата побарала помош од граѓани кои можеби имаат информации за тоа каде се наоѓа осомничениот.
Осомничениот претходно ѝ бил познат на полицијата. Кон крајот на јуни минатата година, во рамките на полициска операција во Гњилане, Мефаил Шкодра и неговиот син Едонис биле уапсени под сомнение дека вршеле притисок и се заканувале на жртвата, предизвикувајќи материјална штета поголема од 600.000 евра.
За време на таа полициска операција, конфискувани се три автомобили, мотоцикли, оружје и муниција, банкноти од евра, разни документи и други материјални докази. Според фотографиите од социјалните мрежи, Мефаил Шкодра живее луксузен живот.
Во неговите бројни објави се издвојуваат скапи часовници и автомобили и дизајнерска облека. Осомничениот има и фотографии на социјалните мрежи на кои е во друштво на косовската претседателка Вјоса Османи и нејзиниот сопруг Приндон, како и на актуелниот премиер Аљбин Курти.
